कविता क्रमांक १ ते १०

शिल्पकलेचे अतुलनीय हे वैभव
मंदिर  कर्नाटकतील चेन्न केशव 
वास्तुशिल्पाचा  अदभुत नजराणा
कलाकुसरीचा नेत्रदीपक  खजिना

बाराव्या शतकातील श्रीविष्णु मंदिर

किनारी ‘यागची’ च्या  शहर बेलूर
स्थापत्य शास्त्राचा देखणा नमुना 
उजळे  ऐतिहासिक खाणाखुणा 

निर्मितीस अविरत  शतक अवधी
नटल्या कलाकृतींनी मंदिर  भिंती
देवदेवितांच्या प्रतिमा  अनेक सुंदर 
महाभारत,चित्रदर्शन किती  मनोहर

नवरंगी  सभामंडप चौरसाकार
भव्यदिव्य मंदिरास तिन प्रवेशद्वार
स्तंभांवरती नक्षीकाम  अलौकिक
फिटे पारणे डोळ्यांचे पाहूनी वैभव

रेखीयल्या शिलेवरती  बहूनृत्यागंना
अभिसारिका, विष्णूमोहिनी  ललना
अर्धोन्मीलित कमळ घुमट सजला
दगडी नाजूक जाळ्या दहा दिशेला

पाषाण काळे रेखीवकामाने कोरीले
रूंद चौथरे द्रविड शैलीने रचिले
गजप्रतिमेने सजल्या या शिल्पकृती
गर्भगृह रूप पाहून नयन विस्फरती

वाद्यं वादके देखणी सूरसुंदरी रती
दागदागिने, तरल केशरचना कृती
शेषशय्यी रंगनाथ विष्णू पहूडलेला
नजर ठरेना स्थिर पाहून दिव्यकला

अचंबित विश्व अशी कलेची श्रीमंती
बहूमिळाली मंदिरास ख्याती जगती
अविरत चाले विष्णूपुजा साग्रसंगीत
असे वारसा निर्मितीते आजतागायत

सौ.भारती श्रीनिवास शुक्ल
नाशिक.